Chempionlar ligasi: 2-turdan keyingi turnir jadvalida «PSJ» etakchilik qilmoqda

 15 OKTYABR, 2026, 03:54

14 oktyabr, chorshanba kuni Evropa Chempionlar ligasi 2026/27 yilgi mavsumi umumiy bosqichining 2-turidan o'rin olgan so'nggi uchrashuvlar bo'lib o'tdi.

Ikki tur natijalariga ko'ra, Frantsiyaning «PSJ» klubi turnir jadvalida peshqadamlik qilmoqda. Parijliklar dastlabki ikki uchrashuvning har ikkisida g'alaba qozonib, 6 ochko jamg'ardi.

«PSJ» to'plar nisbati yaxshiroq bo'lgani sababli birinchi o'rinni egallab turibdi. Chunki «Barselona», «Aston Villa», «Shtutgart», «Liverpul», «Sporting», «Arsenal», «Real» va «Betis» klublari ham ikki turda 6 ochkodan to'plashga muvaffaq bo'lgan.

Shu tariqa, musobaqaning dastlabki ikki turidan so'ng to'qqizta jamoa yuz foizlik natija qayd etib, peshqadamlar guruhidan joy oldi.

Turnir jadvalining so'nggi pog'onalarida esa «Slovan» va «Galatasaroy» klublari joylashgan. Har ikki jamoa dastlabki ikki uchrashuvida ham yirik hisobda mag'lubiyatga uchradi.

Chempionlar ligasi umumiy bosqichining 3-tur uchrashuvlari 20 va 21 oktyabr kunlari bo'lib o'tadi.