"Barselona" "Manchester Yunayted"da Levandovskiga o'rinbosar topdi

 8 IYUL, 2024, 15:06

"Manchester Yunayted" hujumchisi Markus Reshford "Barselona"ga o'tishi mumkin bo'lib qolmoqda. Bu haqda Todofichajes jurnalistlari xabar bermoqda.

"Blaugrana" 26 yoshli angliyalik futbolchini polshalik markaziy hujumchi Robert Levandovskiga o'rinbosar sifatida ko'rmoqda. Markusning transfer narxi 60 million evroga baholanmoqda.

Uning shartnomasi 2028 yilning o'rtalariga qadar mo'ljallangan. O'tgan mavsumda Reshford sust o'yin ko'rsatdi. Hujumchi Angliya chempionatining 33 ta uchrashuvida qatnashib, 7 ta gol urdi va 2 ta golli uzatmani amalga oshirdi.