"Man Yunayted" 5 ta o'yinda ilk bor g'alaba qozondi

 27 DEKABR, 2023, 07:48

"Manchester Yunayted" 5 uchrashuvda ilk bor g'alaba qozondi.

Erik ten Xag shogirdlari Premer-liganing 19-turida “Aston Villa”ni qabul qilib, 3:2 hisobida zafar quchdi.

Bu mankunianliklarning 5 o'yindagi ilk g'alabasi - bungacha ular uchta mag'lubiyat alamini totib ko'rgan va bir marta durang qayd etgan.

"Yunayted"ning navbatdagi o'yini 30 dekabr kuni bo'lib o'tadi - jamoa "Nottingem Forest" bilan uchrashadi.