Roke yaqin 24 soat ichida Barselonaga etib keladi

 25 DEKABR, 2023, 20:42

Iqtidorli hujumchi Vitor Roke "Barselona"ga yozda emas, shu qishda o'tadi.

Nufuzli insayder Fabritsio Romanoning ijtimoiy tarmoqlarda xabar berishicha, 18 yoshli braziliyalik yaqin 24 soat ichida Ispaniyaga jo'nab ketadi.

Tez orada Roke "Barselona"da Xavi boshchiligida mashg'ulotlarni boshlaydi. "Barselona" ayni damda Ispaniya chempionati turnir jadvalida to'rtinchi o'rinni egallab turibdi.

Xavi shogirdlari navbatdagi o'yinni 4 yanvar kuni - raqib maydonida "Las-Palmas"ga qarshi o'tkazadi. Eslatib o'tamiz, “Barselona” hozirda peshqadam “Real”dan 7 ochko ortda qolmoqda.