logotip
Assalom-u alaykum, Mehmon!
Soat: 01:38
KirishA'zo bo'lish
TAVSIYA QILAMIZ
Yangiliklar tasmasi

Rubin Xebay — "Andijon"ning 2023 yildagi eng yaxshi futbolchisi

 24 DEKABR, 2023, 10:24

Ma'lumki, “Andijon” matbuot xizmati jamoaning 2023 yildagi eng yaxshi futbolchisini ovoz berish yo'li orqali aniqlashni maqsad qilgan edi.

Yaqinda dastlabki so'rovnomani o'tkazganimizdan xabaringiz bor. Unda bu yilgi mavsumda maydonga tushgan barcha futbolchilar ishtirok etishdi va har bir pozitsiyada eng ko'p ovoz to'plaganlari yakuniy hal qiluvchi so'rovnomada ishtirok etish imkoniyatiga ega bo'lgandilar.

Shunga asosan darvozabon Igor Litovka, himoyachi Ildar Mamatkazin, yarim himoyachi Muhammadkarim Toirov va hujumchi Rubin Xebay “Andijon”ning eng yaxshi futbolchisi bo'lish uchun ikkinchi bosqich so'rovnomasida qatnashdilar.

Unga ko'ra, ikkinchi, hal qiluvchi so'rovnomada jamoaning albaniyalik hujumchisi Rubin Xebay eng ko'p ovoz to'pladi va “Andijon”ning 2023 yildagi eng yaxshi futbolchisi nomiga sazovor bo'ldi.  

Ta'kidlash kerakki, Xebay joriy yilgi mavsumda “Andijon” tarkibida eng ko'p o'yin o'tkazgan futbolchiga aylandi. U hammasi bo'lib, “Burgutlar” safida 27 ta bahsda maydonga tushib, raqiblar darvozasiga 14 ta gol urdi. Natijada jamoaning mutlaq to'purariga aylandi. Shuningdek, uning hisobida 3 ta golli uzatma ham bor.

Bundan tashqari, O'zPFL tomonidan yilning eng yaxshi futbolchisini aniqlash bo'yicha o'tkazilayotgan so'rovnomaning yakuniy uchligidan ham Xebay o'rin olgan va unda Superliganing ham eng yaxshi futbolchisi bo'lish imkoniyati bor.

“Andijon” matbuot xizmati.

Manba: stadion.uz

butsanet

telegram
BILDIRILGAN FIKRLAR
QIZIQARLI FAKT VA IQTIBOSLAR