Karreras: "Vinisius mendan uzr so'rashi shart emas"

 2 NOYABR, 2025, 18:36

Madridning «Real» klubi himoyachisi Alvaro Karreras o'z jamoadoshi Vinisius Junior haqida fikr bildirdi.

«Qaymoqranglilar»ning braziliyalik hujumchisi La Liganing 11-turida «Valensiya»ga qarshi o'yinda (4:0) penaltini amalga oshira olmagan edi.

«U mendan uzr so'rashining hojati yo'q. Men unga ishonaman va uni yaxshi ko'raman. U ajoyib jamoadosh — bizda juda yaxshi munosabatlar bor, va buning barchasi jamoa ichida qoladi», — deya Karrerasning so'zlarini keltirgan Marca nashri.

Joriy mavsumda Vinisius barcha musobaqalarda 14 ta uchrashuvda maydonga tushib, 5 ta gol urgan va 4 ta golli uzatma amalga oshirgan.