Pochettino: «Entso «Vulverxempton»ga qarshi o'yinda maydonga tusha olmaydi»

 23 DEKABR, 2023, 10:24

"Chelsi" bosh murabbiyi Maurisio Pochettino bo'lajak o'yinda Entso Fernandesga umid bog'lay olmasligini tasdiqladi.

22 yoshli yarim himoyachi yaqinda Liga kubogi doirasidagi "Nyukasl"ga qarshi o'yinda sog'ligi yomonlashgani uchun almashtirilgandi.

Pochettinoning so'zlariga ko'ra, Fernandes belidan aziyat chekmoqda, biroq tez orada maydonga qaytadi.

«Entso «Vulverxempton»ga qarshi o'yinda maydonga tusha olmaydi. U davolanishga majbur bo'ladi. Siz allaqachon bilganingizdek, uning belida kuchli og'riq bor va o'zini yaxshi his qilmadi. O'ylaymanki, u tez orada safga qaytadi», - dedi «ko'klar» bosh murabbiyi.

Yakshanba kuni "Vulverxempton" va "Chelsi" o'rtasidagi o'yin bo'lib o'tadi. Uchrashuv Toshkent vaqti bilan soat 18:00da boshlanishi rejalashtirilgan.