Xabi Alonso: «Penaltidan gol ura olmaganimiz meni xafa qildi»

 2 NOYABR, 2025, 12:42

Madridning «Real» klubi bosh murabbiyi Xabi Alonso kechagi «Valensiya»ga qarshi uchrashuvda Vinisius Juniorning penaltidan gol ura olmagan vaziyatiga izoh berdi.

«Bu lahza meni xafa qildi, hisobni 3:0 qilishimiz mumkin edi. Jamoada asosiy penaltichi bor — bu Kilian Mbappe. Biroq o'yin vaqtida futbolchilar o'zaro kelishib, 11 metrlik zarbani kim amalga oshirishini o'zlari hal qilishadi», — deb mutaxassisning so'zlarini Sport.es nashri keltirgan.

Eslatib o'tamiz, uchrashuv «Santyago Bernabeu» stadionida bo'lib o'tdi va «qaymoqranglilar» 4:0 hisobida g'alaba qozondi. Bu bahsda Mbappe dubl qayd etdi.