Emeri: "Mening ligam - APL"

 21 DEKABR, 2023, 23:06

"Aston Villa" bosh murabbiyi Unai Emeri Evropa Superligasining paydo bo'lishi haqidagi so'nggi yangiliklarga javob berdi. Ayni paytda uning tarkibiga "Real" va "Barselona" kiradi. "Napoli" ham turnir g'oyasini qo'llab-quvvatladi.

"Mening Superligam – Angliya Premer-ligasi. Men ham "Aston Villa" bilan Evropada o'ynashni xohlayman. Bu haqda yana nima deyishim mumkinligini bilmayman" - dedi Emeri Mundo Deportivo nashriga.

Bugungi sur'atda Emeri va uning jamoasi Chempionlar Ligasida haqiqatdan ham o'ynashi mumkin, chunki ular Premer-liga turnir jadvalida uchinchi o'rinda bormoqda.