Maykl Peyj va Jared Kannonir Nursulton Ro'ziboev bilan bir oqshomda jang qilishi mumkin

 16 IYUN, 2025, 22:32

17 avgust kuni CHikago (AQSH) shahrida bo'lib o'tadigan UFC 319 turniri uchun navbatdagi jang malum qilindi.

Unga ko'ra, britaniyalik aralash yakka kurash ustasi Maykl Peyj UFC 319 doirasida amerikalik Jared Kannonir bilan bahs olib boradi. Bu haqda insayder Real Kevin ijtimoiy tarmoqlar orqali xabar berdi.

Malumot uchun, Peyjning hisobida 23 g'alaba va uchta mag'lubiyat bor. Kannonir esa faoliyati davomida 18 g'alaba va 8 ta mag'lubiyatni o'z hisobida yozdirib qo'ygan.

Avvalroq, UFC 319 turniri doirasida o'zbekistonlik Nursulton Ro'ziboevning AQSH vakili Brayan Battl bilan jang qilish haqida xabar bergandik.

Manba: olamsport.com