«Bu uning so'nggi imkoniyati»: Vidal nega Messi «Oltin to'p»ga loyiqligini tushuntirdi

 21 OKTYABR, 2026, 09:24

O'tmishda «Barselona» safida to'p surgan Arturo Vidal «Oltin to'p» mukofotini kimga topshirish kerakligi borasida shubhaga ega emas.

«Men bu mukofotni Leoga (Messiga) bergan bo'lardim — uning jahon chempionatida ko'rsatgan o'yinini inobatga olgan holda. Menimcha, bunday holat qachondir yana takrorlanishi dargumon.

39 yoshli futbolchining — Messi aynan shu yoshda bo'ladi — bunday nufuzli musobaqada voqealar rivojiga shu qadar katta ta'sir ko'rsatishi nihoyatda qiyin.

Bundan tashqari, men mukofotni unga yana shuning uchun ham bergan bo'lardimki, bu deyarli aniq uning ushbu sovrinni qo'lga kiritish uchun so'nggi imkoniyati bo'ladi», — deya Vidalning so'zlarini keltiradi derbyderbyderby.it.

Eslatib o'tamiz, chililik futbolchi 2018 yildan 2020 yilgacha Messi bilan bir klubda to'p surgan.