Xoland «Aston Villa»ga qarshi o'yinda asosiy tarkibda maydonga tushishi mumkin

 21 OKTYABR, 2026, 09:24

«Manchester Siti» bosh murabbiyi Entso Mareska jamoaning norvegiyalik hujumchisi Erling Xolandning holati haqida fikr bildirdi.

Futbolchi Chempionlar ligasi umumiy bosqichining 3-turida AEKga qarshi o'yinni (5:1) o'tkazib yuborgan edi.

«U shanba kuni asosiy tarkibda maydonga tushishi mumkin. Zaxira o'rindig'imizda o'yinga qo'shilishga tayyor bo'lgan besh-olti nafar futbolchi bor edi, ammo shu bilan birga ular dam olish imkoniyatiga ham ega bo'lishdi — bu esa yaxshi! Shuning uchun, ha, men mamnunman!» — deya Mareskaning so'zlarini keltiradi Manchester Evening News.

24 oktyabr kuni «Manchester Siti» Angliya Premer-ligasi doirasida safarda «Aston Villa»ga qarshi maydonga tushadi. Uchrashuv Toshkent vaqti bilan soat 16:30 da boshlanadi.

Etti turdan keyin Mareska boshchiligidagi jamoa 21 ochko bilan Angliya chempionati turnir jadvalida birinchi o'rinni egallab turibdi.