Chempionlar ligasida 1959 yildan buyon eng yuqori sermahsullik qayd etilmoqda

 21 OKTYABR, 2026, 09:18

UEFA Chempionlar ligasining joriy mavsumida hozirgacha o'tkazilgan 45 ta uchrashuvda 187 ta gol urildi. Har bir o'yinga o'rtacha 4,2 ta gol to'g'ri kelmoqda. Bu musobaqada 1959/60 yilgi mavsumdan buyon kuzatilgan eng yuqori ko'rsatkichdir. O'sha mavsumda ham har bir uchrashuvda o'rtacha 4,2 ta gol urilgan edi.

3-turning birinchi o'yin kunida ikkita uchrashuv 4:3 hisobida, yana ikkita bahs esa 4:2 va 5:1 hisoblarida yakunlandi. Seshanba kuni bo'lib o'tgan jami to'qqizta uchrashuvda roppa-rosa 40 ta gol urildi.

Eslatib o'tamiz, Chempionlar ligasining amaldagi g'olibi «PSJ» hisoblanadi. Frantsiya klubi hozir ham guruh bosqichi turnir jadvalida peshqadamlik qilmoqda. Parijliklar dastlabki uchta uchrashuvning barchasida g'alaba qozonishgan.