Iraola: «Bor imkoniyatimizni ishga solmasak, bizga qiyin bo'ladi»

 21 OKTYABR, 2026, 08:54

«Liverpul» bosh murabbiyi Andoni Iraola Chempionlar ligasi umumiy bosqichining 3-turida «Vilyarreal» ustidan qozonilgan g'alaba (4:3) haqida fikr bildirdi.

«Biz shuni tushunishimiz kerakki, agar bor imkoniyatimizni ishga solib o'ynamasak, bizga qiyin bo'ladi. Biz juda kuchli jamoalarga qarshi maydonga tushyapmiz.

Hisobni tenglashtirishga muvaffaq bo'lganimiz yaxshi, ammo bu mavsumda juda ko'p gol o'tkazib yuboradigan bo'lib qoldik», — dedi Iraola Amazon Prime nashriga bergan intervyusida.

Uchrashuvning 29-daqiqasiga kelib, «Liverpul» 0:2 hisobida mag'lub bo'layotgan edi. Jamoaning argentinalik yarim himoyachisi Aleksis Makallister Ispaniya klubiga qarshi o'yinda dubl qayd etdi.

Angliya klubi Chempionlar ligasi turnir jadvalida «PSJ» bilan peshqadamlikni bo'lishib turibdi. Har ikki jamoa hisobida 9 tadan ochko bor.

«Liverpul» musobaqadagi navbatdagi uchrashuvini 4 noyabr kuni safarda «Fenerbaxche»ga qarshi o'tkazadi.