Mourino Mbappe va Espini nega birga o'ynatish qiyinligini tushuntirdi

 20 OKTYABR, 2026, 18:00

Madridning «Real» klubi bosh murabbiyi Joze Mourino Kilian Mbappe va Karlos Espini hujum chizig'ida bir vaqtning o'zida maydonga tushirish imkoniyati haqida fikr bildirdi.

Portugaliyalik mutaxassisning ta'kidlashicha, ikki hujumchidan birgalikda foydalanish taktik jihatdan muayyan qiyinchiliklarni yuzaga keltirishi mumkin.

«Bu qiyin masala. Ular 4-4-2 sxemasida birga o'ynashi mumkin edi. Ammo jamoamizdagi qanot futbolchilarini hisobga olsak, bu sxema 4-2-4 ko'rinishiga aylanib ketadi.

Bundan tashqari, futbolchilarning o'zaro hamjihatligi bilan bog'liq masala ham bor. Biz buni «Roma»ga qarshi uchrashuvda ko'rdik», — dedi Mourino matbuot anjumanida.

Joriy haftada «Real» ikkita uchrashuv o'tkazadi.

21 oktyabr kuni madridliklar Chempionlar ligasi doirasida o'z maydonida «RB Leyptsig»ni qabul qiladi.

25 oktyabr kuni esa jamoa Ispaniya chempionati doirasida safarda «Barselona»ga qarshi maydonga tushadi.

Ayni paytda «Real» Ispaniya La Ligasi turnir jadvalida uchinchi o'rinni egallab turibdi.

Manba: stadion.uz