Konate «Leyptsig»ga qarshi bahsdan oldin matbuot anjumanida qatnashdi (Batafsil)

 20 OKTYABR, 2026, 16:12

Madridning «Real» klubi himoyachisi Ibraima Konate jamoadoshlari, bosh murabbiy Joze Mourino va «Barselona»ga qarshi bo'lajak «El-Klasiko» haqida fikr bildirdi.

Yan Diomande haqida:

«Diomande nafaqat yaxshi futbolchi, balki ajoyib inson hamdir. Uni «Real Madrid»da porloq kelajak kutmoqda».

«El-Klasiko» haqida:

«Hozir butun e'tiborimizni navbatdagi uchrashuvga qaratishimiz juda muhim. Birinchi navbatda ertangi o'yinga diqqat qilishimiz kerak. Shundan keyingina «El-Klasiko» haqida o'ylaymiz».

Joze Mourino haqida:

«Mourino gapirganda, hamma jim bo'lib uni tinglaydi. U o'ziga xos xarizma va salobatga ega.

U — buyuk murabbiy. Barchaga ma'lumki, biz uning qo'l ostida g'alabalar qozonishni va sovrinlarni qo'lga kiritishni istaymiz».

Jamoadagi frantsuz futbolchilari haqida:

«Tchuameni va Mbappe menga klub haqida juda ko'p narsalarni aytib berishgan. Bu juda ijobiy holat.

Ular bilan bir jamoada ekanimdan xursandman. Ikkalasi ham ajoyib insonlar.

Shuningdek, Mendi ham tez orada safga qaytishiga umid qilaman. U jamoamizga juda kerak».

Jamoaning maqsadlari haqida:

«Biz Chempionlar ligasida g'olib chiqishni va har bir sovrin uchun oxirigacha kurashishni istaymiz», — dedi Konate.