Arauxo «Liverpul»da qolish-qolmasligi haqida fikr bildirdi

 20 OKTYABR, 2026, 12:48

«Liverpul» himoyachisi Ronald Arauxo jamoada doimiy asosda qolish-qolmasligi haqida gapirishga hali erta ekanini bildirdi.

27 yoshli urugvaylik futbolchi «Barselona»dan bir yillik ijara asosida mersisaydliklar safiga qo'shilgan. Kelishuvda uni taxminan 56 million evroga sotib olish imkoniyati ham ko'zda tutilgan.

«Bu masalalar haqida gapirishga hali juda erta. Men shunchaki har bir kundan zavq olishga, o'z ustimda ishlashga va har kuni rivojlanishda davom etishga harakat qilyapman. Bu menga o'zimga bo'lgan ishonchni mustahkamlash imkonini beradi.

Bu erda ekanimdan juda baxtliman. Oilam ham o'zini juda baxtli his qilmoqda.

«Liverpul» qanchalik buyuk klub ekanini bilasan. Ammo bu erga kelib, klubning ko'lamini, tuzilmasini va muxlislarini o'z ko'zing bilan ko'rganingda, uning naqadar ulkan jamoa ekanini anglaysan», — deya Arauxoning so'zlarini keltiradi PA agentligi.

Arauxo 2026/27 yilgi mavsumda «Liverpul» safida 9 ta uchrashuvda maydonga tushib, 1 ta gol urgan va 1 ta golli uzatmani amalga oshirgan.

Futbolchining «Barselona» bilan amaldagi shartnomasi 2031 yilning 30 iyuniga qadar mo'ljallangan.