«Bornmut» o'z etakchisini sotishga tayyor — Angliya grandlari transfer uchun kurashmoqda

 20 OKTYABR, 2026, 08:18

«Bornmut» yarim himoyachisi Aleks Skott 2027 yilda jamoasini o'zgartirishi mumkin. Angliyalik futbolchiga Premer-liganing bir qator etakchi klublari qiziqish bildirmoqda.

The Touchline nashri taniqli insayder Fabritsio Romanoga tayanib xabar berishicha, «Bornmut» rahbariyati 23 yoshli futbolchi uchun moliyaviy jihatdan manfaatli taklif tushsa, uni sotish imkoniyatini ko'rib chiqishga tayyor.

Skottga o'tgan yozda ham bir nechta klub qiziqish bildirgan edi. Biroq o'shanda «Bornmut» asosiy futbolchilaridan biri bilan xayrlashishni istamagan.

Endilikda vaziyat o'zgarishi mumkin. Ma'lumotlarga ko'ra, yarim himoyachining transferi uchun asosiy da'vogar «Chelsi» hisoblanmoqda. Shuningdek, Angliya Premer-ligasining boshqa grandlari ham futbolchi atrofidagi vaziyatni diqqat bilan kuzatib borishmoqda.

Aleks Skottning bozor qiymati Transfermarkt portali tomonidan 70 million evroga baholangan.

Qayd etish joiz, «Bornmut» etakchisi sentyabr oyi oxirida Angliya milliy terma jamoasi safida debyut qilishga ham ulgurdi.