Gasperini: "Raqibni mensimaslikka haqqimiz yo'q, bizga g'alaba kerak"

 20 OKTYABR, 2026, 03:34

"Roma" bosh murabbiyi Jan Pero Gasperini Chempionlar ligasida Bratislavaning "Slovan" klubiga qarshi bo'ladigan uchrashuv oldidan o'z fikrlarini bildirdi.

Italiyalik mutaxassisning ta'kidlashicha, Rim jamoasiga g'alaba juda zarur va shu sababli raqibga nisbatan bepisand munosabatda bo'lish mumkin emas.

"Slovan" — jismoniy jihatdan yaxshi tayyorlangan, tezkor va tarkibida bir nechta kuchli futbolchilari bor jamoa.

Ehtimol, ular saviya jihatidan Chempionlar ligasining ayrim ishtirokchilaridan ortda qolar. Biroq bu musobaqada har bir uchrashuv qiyin kechadi.

Biz raqibni mensimaslikka haqqimiz yo'q, chunki g'alaba qozonishimiz shart", — dedi Gasperini matbuot anjumanida.

Murabbiy musobaqaning keyingi bosqichiga chiqish uchun ochko jamg'arish muhimligiga ham to'xtaldi.

"So'nggi bir necha yilda taxminan 10–11 ochko muhim mezon bo'lib keldi. Safarda o'ynash doimo qiyin, shuning uchun o'z maydonimizdagi uchrashuvlarda g'alaba qozonishimiz kerak. Asosiy maqsadimiz shu", — dedi u.

Eslatib o'tamiz, "Roma" Chempionlar ligasining dastlabki ikki turida bir ochko jamg'ardi. Rimliklar "Fenerbaxche" bilan 1:1 hisobida durang o'ynagan bo'lsa, "Real"ga qarshi bahsda ikki to'plik ustunlikni qo'ldan chiqarib, 3:4 hisobida mag'lub bo'ldi.

"Roma" va "Slovan" o'rtasidagi uchrashuv 20 oktyabr kuni bo'lib o'tadi.

Manba: stadion.uz