"Komo" 75 yillik tarixiy natijasini takrorladi

 19 OKTYABR, 2026, 11:00

Italiya A Seriyasining 7-turida "Fiorentina" ustidan qozonilgan g'alaba "Komo"ga klub tarixidagi eng yaxshi natijalardan birini takrorlash imkonini berdi.

Sesk Fabregas boshchiligidagi jamoa chempionatning dastlabki ettita uchrashuvida 14 ochko jamg'ardi. Bu "Komo"ning A Seriyadagi tarixiy rekordiga teng natija hisoblanadi.

Klub bunga avval 1950/51 yilgi mavsumda erishgan edi. O'shanda ham jamoa ettita turda to'rtta g'alaba, ikkita durang va bitta mag'lubiyat qayd etgan.

Qizig'i, oradan 75 yil o'tib, "Komo" xuddi shunday ko'rsatkichni takrorladi. Statistika g'alaba uchun uch ochko beriladigan tizim asosida hisoblangan.

Ayni paytda Fabregas shogirdlari Italiya chempionati turnir jadvalida beshinchi o'rinni egallab turibdi.

"Komo" navbatdagi turda "Sassuolo"ga qarshi maydonga tushadi.

Shuningdek, Italiya klubi joriy mavsumda Evropaning eng nufuzli klublar musobaqasi — Chempionlar ligasida ham ishtirok etmoqda.

Manba: stadion.uz