Bibossinov WBO Africa chempioniga qarshi jangda jarohat oldi

 14 SENTYABR, 2026, 15:32

Olimpiya o'yinlari sovrindori, jahon chempioni Saken Bibossinov Ostona shahrida o'tkazilgan IBA Nomad turniridagi jangida barmog'ini sindirib oldi.

"Oxirgi jangimda barmog'imni sindirib oldim. Hatto gipsdagi qo'l bilan ham mashg'ulotlarni to'xtatmayapman. Jarohat — vaqtinchalik. Maqsad esa — abadiy", — deb yozdi Bibossinov o'zining Instagram sahifasida.

Bibossinovning so'nggi jangi 28 avgust kuni Ostona (Qozog'iston) shahridagi Jaksilik Ushkempirov nomidagi yakkakurashlar saroyida bo'lib o'tgandi. IBA Nomad doirasidagi "International Boxing Day" shousida u hakamlarning yakdil qarori bilan WBO Africa chempioni, namibiyalik Immanuel Jozefni mag'lub etgandi.

Malumot uchun, Hasanboy Do'smatovning azaliy raqibi hisoblangan Saken Bibossinov — 2025 yilgi IBA jahon chempioni, Tokio-2020 Olimpiya o'yinlarining bronza medali sovrindori, shuningdek, jahon chempionatlarining kumush (2023) va bronza (2019) medallari hamda Osiyo chempionati (2022) kumush medali sohibi (eng engil vazn toifasida)dir.

Manba: olamsport.com