"Santos" Neymarning jarohati bo'yicha rasmiy ma'lumot berdi

 5 SENTYABR, 2026, 11:34

"Santos" safida to'p tepayotgan braziliyalik yulduz hujumchi Neymar tibbiy ko'rikdan o'tdi. Bu haqda klub matbuot xizmati xabar berdi.

Tekshiruv natijalariga ko'ra, 34 yoshli futbolchining o'ng sonida jarohat aniqlangan. Xususan, unda mushaklar bilan bog'liq muammo bor.

Neymar "Palmeyras"ga qarshi kubok uchrashuvi vaqtida noqulaylik his qilgan. Jarohat sabab hujumchi birinchi bo'limdan so'ng maydonni tark etgan.

Joriy mavsumda Neymar 24 ta uchrashuvda maydonga tushdi. U 8 ta gol urdi va 8 ta golli uzatmani amalga oshirdi.

Manba: stadion.uz