Mourino «Betis»ga qarshi o'yindan keyin hakamlikni tanqid qildi

 5 SENTYABR, 2026, 11:00

«Real» bosh murabbiyi Joze Mourinyu Ispaniya La Ligasining 2026/2027 yilgi mavsumi 4-turidan o'rin olgan «Betis»ga (0:1) qarshi uchrashuvdagi hakamlik haqida fikr bildirdi. O'yin bosh hakami sifatida Alexandro Ernandes ishladi.

«U menga nima uchun ogohlantirish berganini bilmayman, ammo uni qabul qilaman. Men zaxira o'rindig'idan o'rnimdan turdim, chunki «Betis» futbolchisi, shekilli, aynan bizning oldimizda yiqildi. Ammo aniq ayta olmayman, chunki zaxira o'rindig'idagi ko'plab xafa bo'lgan odamlarning ekrandagi takroriy lavhalarni tomosha qilayotganini ko'rdim. Menimcha, u o'yinni o'z maromida davom ettirdi. Birinchi bo'limda ogohlantirishlarni qanday ko'rsatgani menga yoqdi, «Betis» futbolchilari esa tanaffusgacha hech qanday kartochka olmadi.

Ammo natijaga bitta sariq kartochka sabab bo'ldi, deb aytib bo'lmaydi. Balki ertaga o'yinni ko'rib chiqqach, fikrim o'zgarishi mumkin. Lekin bugun zaxira o'rindig'idan ko'rganlarimga qarab, mag'lubiyatimiz sababini tushuna olmayapman. Jamoa juda munosib ko'rinishda bo'ldi va menda hech kimga nisbatan shaxsiy e'tiroz yo'q.

Biroq g'alabaga loyiq bo'lganing ochko olib kelmaydi. «Betis»ni tabriklayman — ular durang uchun o'ynashdi va omad ular tomonida bo'ldi», — deya Mourinyuning so'zlarini Marca keltirdi.

La Liganing 4-turidan keyin «Betis» 9 ochko bilan 3-o'rinda bormoqda. Joze Mourinyu jamoasi ham 9 ochko to'plagan, ammo qo'shimcha ko'rsatkichlar hisobiga 2-pog'onani egallab turibdi.

Manba: stadion.uz