Tomori "Milan" tarkibiga qaytdi (foto)

 3 SENTYABR, 2026, 23:00

"Milan" himoyachisi Fikayo Tomori yozgi transfer oynasi yopilganidan so'ng "rossonerilar" tarkibiga qaytdi.

28 yoshli ingliz futbolchisi bu yozda jamoani tark etishi mumkin edi, chunki uning shartnomasi kelasi yili tugaydi va "Milan" futbolchidan pul ishlashni istagan edi. Xususan, Tomori "Yuventus" va Premer-liganing ikkita klubiga taklif qilingan edi.

Italiyaliklar Fikayoni 2021 yil iyul oyida olti oylik ijaradan so'ng "Chelsi"dan 35,3 million evro evaziga sotib olishdi. O'tgan mavsumda u klub safida 37 ta o'yinda uchta golli uzatmani amalga oshirdi. Tomori bu mavsumda hali o'ynamagan.

Manba: stadion.uz