“Manchester Siti” rekord xaridi bo'lgan Elliot Anderson debyut o'yinida jarohat oldi

 24 AVGUST, 2026, 18:32

“Manchester Siti” klubi APLning 1-turi doirasida o'z maydonida “Bornmut”ni qabul qildi va 2:1 hisobida g'alaba qozondi.

Angliya chempionati doirasidagi klub safidagi ilk rasmiy o'yinida jarohat olgan yarim himoyachi Elliot Andersonning holati mezbonlar uchun ushbu bahs quvonchiga soya soldi.

Hodisa ikkinchi bo'lim o'rtalarida yuz berdi. 23 yoshli angliyalik xavbek o'ng son orqa mushagini ushlagancha maydonga o'tirib qoldi, shundan so'ng murabbiylar shtabi majburiy o'zgarishni amalga oshirdi, uning o'rniga maydonga Mateo Kovachich tushdi.

Eslatib o'tamiz, iyul oyida “Manchester Siti” Andersonni “Nottingem Forest”dan 116 million funt evaziga sotib olib, o'sha paytda ingliz futbolchilari orasida transfer summasi bo'yicha rekord o'rnatgan edi.

Manba: olamsport.com