«Milan» «Strasburg» vingeri Moreyra uchun 45+20 mln evro to'laydi

 18 AVGUST, 2026, 06:54

«Milan» yaqin orada «Strasburg» vingeri Diegu Moreyraning transferini yakunlaydi.

Janluka Di Martsio bergan ma'lumotga ko'ra, «rossoneri» Belgiya terma jamoasi a'zosi uchun 45 million evro to'laydi. Yana 20 million evro bonus sifatida ko'zda tutilgan bo'lib, ularning ba'zilarini qo'lga kiritish oson, ba'zilari esa murakkab shartlarga bog'langan.

Hujumning ikkala qanotida va himoyaning chap tomonida o'ynay oladigan 22 yoshli futbolchi 18 avgust kuni soat 12:00 da tibbiy ko'rikdan o'tish va «Milan» bilan shartnoma imzolash uchun Italiyaga etib keladi.

O'tgan mavsumda Moreyra Frantsiya Liga 1 musobaqasida 27 ta o'yinda maydonga tushib, 4 ta gol urdi, 6 ta golli uzatma berdi va 4 ta sariq kartochka oldi. JCh-2026 turnirida esa Diegu Belgiya terma jamoasi tarkibida faqat bitta o'yinda ishtirok etdi.