"Liverpul" Mbaye bilan 5 yillik shartnoma shartlarini kelishib oldi

 17 AVGUST, 2026, 23:24

"Liverpul" "PSJ" vingeri Ibrahim Mbaye bilan shaxsiy shartnoma shartlari bo'yicha kelishuvga erishdi. Bu haqda jurnalist Fabris Houkins xabar berdi.

Manba ma'lumotiga ko'ra, tomonlar 5 yillik shartnomaning moliyaviy shartlarini kelishib olgan. 18 yoshli futbolchiga "Bayer" ham qiziqish bildirgan, ammo Mbaye "Liverpul" variantini tanlagan va Bundesliga klubiga o'tish niyatida emas.

"Qizillar" hujum chizig'ini kuchaytirish rejasi doirasida Mbaye transferi ustida ishlamoqda. Shu bilan birga, mersisaydliklar "PSJ"ning yana bir vingeri Bradli Barkolani ham o'z safiga qo'shib olish harakatini davom ettirmoqda.

Mbayening Parij klubi bilan amaldagi shartnomasi 2028 yil yoziga qadar mo'ljallangan. Shu sabab "PSJ" muzokaralarda kuchli pozitsiyaga ega.

18 yoshli vinger yosh bo'lishiga qaramay, "PSJ" asosiy jamoasi safida barcha musobaqalar doirasida 42 ta uchrashuv o'tkazib, 4 ta gol urdi va 4 ta golli uzatmani amalga oshirdi.

Endi "Liverpul" "PSJ" bilan Mbaye va Bradli Barkola transferlari bo'yicha muzokaralarni davom ettirishi kutilmoqda. Angliya klubi ikki futbolchini ham bir vaqtda xarid qilish imkoniyatini ko'rib chiqmoqda.

Biroq hozircha klublar har ikki vingerning transfer qiymati bo'yicha kelishuvga erishmagan va bitimlar rasmiylashtirilmagan.