Rasman: «Barsa» himoyachisini «Ayaks»ga sotdi (foto)

 17 AVGUST, 2026, 23:12

«Ayaks» Jofre Torrentsni «Barselona»dan doimiy transfer asosida xarid qilganini rasman e'lon qildi.

Amsterdam klubi 19 yoshli chap qanot himoyachisi uchun 5 mln evro to'ladi. Ispaniyalik futbolchi niderlandiyaliklar bilan 2031 yilga qadar amal qiladigan shartnoma imzoladi.

Kelishuvga ko'ra, «Barselona» Torrentsning transfer huquqlaridan 50 foizini o'zida saqlab qoldi. Bu kataloniyaliklarga futbolchi kelajakda boshqa jamoaga sotilsa, transfer mablag'ining teng yarmini olish imkonini beradi.

«Barselona» akademiyasi tarbiyalanuvchisi hisoblangan Torrents asosan chap qanot himoyasida harakat qiladi.