Sport: «Barselona» Rodri va Kanselu transferini bugun e'lon qiladi

 17 AVGUST, 2026, 15:30

«Barselona» Rodri va Joau Kanselu transferlarini 17 avgust kuni rasman e'lon qilishi kutilmoqda. Bu haqda Kataloniyaning Sport nashri xabar berdi.

Ma'lumotlarga ko'ra, kataloniyaliklar Rodri borasida «Manchester Siti» bilan kelishuvga erishgan. Transfer qiymati bonuslar bilan birga 76,5 mln evro atrofida bo'lishi aytilmoqda. 30 yoshli yarim himoyachi «Barselona» bilan 2030 yilgacha mo'ljallangan shartnoma imzolaydi.

2024 yilgi «Oltin to'p» sohibi «Manchester Siti» safida etti mavsum o'tkazdi. U jamoa bilan to'rt marta Angliya chempioni bo'ldi va 2023 yilgi Chempionlar ligasi finalida g'alaba golini urdi. Rodrining Angliya klubi bilan amaldagi shartnomasi tugashiga bir yil qolgan edi.

Joau Kanselu esa «Al-Hilol» bilan shartnomasini bekor qilganidan keyin «Barselona»ga erkin agent sifatida qo'shilishi kutilmoqda. Portugaliyalik himoyachi avval ham kataloniyaliklar safida to'p surgan va klubda faoliyatini davom ettirish uchun maoshini kamaytirishga rozi bo'lgani xabar qilingan.