«Lans» o'z tarixida ilk bor Frantsiya Superkubogini qo'lga kiritdi

 17 AVGUST, 2026, 06:06

«Lans» Frantsiya Superkubogi 2026 yilgi finalida «Pari Sen-Jermen»ni 1:0 hisobida mag'lub etib, o'z tarixida ilk bor ushbu trofeyga ega chiqdi.

2026 yilgacha «Lans» mamlakat Superkubogida faqat bir marta — 1998 yilda ishtirok etgan va o'shanda aynan «Pari Sen-Jermen»ga 0:1 hisobida imkoniyatni boy bergan edi.

Shu paytgacha «Lans» o'z tarixida:

Frantsiya chempionati — 1 marta;

Frantsiya Kubogi — 1 marta;

Frantsiya Liga kubogi — 2 marta;

Intertoto kubogi — 2 marta g'alaba qozongan.

Endilikda klub kollektsiyasidan mamlakat Superkubogi ham joy oldi.

Liga 1ning yangi mavsum 1-turida «Lans» 22 avgust kuni o'z maydonida «Oser»ni qabul qiladi.