Fabritsio Romano: «Napoli» va «Chelsi» so'nggi muzokaralarni o'tkazmoqda

 16 AVGUST, 2026, 17:48

«Napoli» «Chelsi» himoyachisi Benua Badiyashil transferini yakunlashga juda yaqin kelmoqda. Oxirgi soatlardagi ayrim noaniqliklardan so'ng, ikki klub o'rtasidagi muzokaralar yana o'z iziga tushdi.

A Seriya chempionlari transferni yakunlashdan atigi bir qadam uzoqda turishibdi. Badiashil Italiyadagi faoliyatini boshlashidan oldin faqat so'nggi rasmiyatchilik masalalarini hal qilish qoldi.

Insayder Fabritsio Romanoning xabar berishicha, «Napoli» va «Chelsi» kelishuvni yakunlash hamda frantsuz futbolchisining tibbiy ko'rigini tashkillashtirish uchun yana bir hal qiluvchi muzokaraga tayyorgarlik ko'rishmoqda.

«Bitimni yopish va tibbiy ko'riklarni belgilash uchun muloqot rejalashtirilgan», — deydi Romano.

Muzokaralar atrofidagi turli xil xabarlardan so'ng Romano vaziyatga oydinlik kiritdi va ikkala klubdan kelayotgan signallar ijobiy ekanini ta'kidladi.

«Klublardan kelayotgan xabarlar juda aniq. «Chelsi» xayriya tashkiloti emas va agar ular transferga yashil chiroq yoqishayotgan bo'lsa, demak kelishuv uchun asos bor va jarayon oldinga surilishi mumkin», — deya tushuntirdi u.

Shu sababli Badiyashilning o'tishi klublar o'rtasidagi navbatdagi muloqot davomida hal bo'lishi mumkin.

Agar qolgan tafsilotlar muvaffaqiyatli hal etilsa, «Napoli» himoyachining tibbiy ko'rigini tashkil qiladi va transferni rasman e'lon qiladi.

25 yoshli markaziy himoyachi «Chelsi»ga «Monako»dan kelib qo'shilgan edi, ammo «Stemford Bridj»da asosiy tarkibning muqim a'zosiga aylanishda qiyinchilikka uchradi.