«Liverpul» afsonasi APLning yangi mavsumidagi chempionlik poygasi haqida o'z fikrlari bilan o'rtoqlashdi

 16 AVGUST, 2026, 16:54

«Liverpul»ning sobiq a'zosi Jon Barns Angliya Premer-ligasining yangi mavsumidagi chempionlik kurashi borasidagi kutilmalarini ma'lum qildi.

«O'ylashimcha, «Arsenal» va «Manchester Siti» mavsum favoritlari bo'lishadi. Ulardan keyin esa «Liverpul», «Manchester Yunayted» va «Chelsi» joy oladi. Top-5 aynan shu ko'rinishda bo'ladi deb o'ylayman. «Liverpul» chempion bo'lsa yoki hech bo'lmaganda ikkinchi o'rinni egalllasa juda ajoyib bo'lardi, ammo tushunishimcha, hozir klubda o'tish davri kechmoqda. Shu sababli, Iraola qo'l ostidagi birinchi yilda uchinchi o'rinni egallasak ham, juda xafa bo'lmayman.

Mikel Arteta chempionatda g'olib chiqishdan oldin 8- va 5-o'rinlarni egallagan, uni rahbariyat qo'llab-quvvatladi — natijada nima bo'lganini ko'rdingiz. Shunday ekan, biz "agar 3- yoki 4-o'rinni egallasangiz, chempion bo'lmaganingiz uchun murabbiyni darhol bo'shatish kerak" deymizmi? O'ylashimcha, biz bu jarayonga aynan shu nuqtai nazardan qarashimiz kerak», — dedi Barns Mirror nashriga bergan intervyusida.