Postekoglu: «Ronaldu bo'yicha qaror keyinroq qabul qilinadi»

 16 AVGUST, 2026, 10:00

«Al-Nasr» bosh murabbiyi Anje Postekoglu hujumchi Krishtianu Ronalduning tarkibda yo'qligiga izoh berdi.

41 yoshli futbolchi Saudiya Arabistoni chempionatining 1-turida «Al-Fateh»ga qarshi o'yin uchun qaydnomaga kiritilmadi. Amaldagi chempionlar yulduz futbolchisisiz ham harakat qilib, 3:0 hisobida g'alaba qozondi.

«Krishtianu doimo biz bilan. Hozir eng muhimi — tiklanish, ayniqsa, keyingi o'yingacha atigi ikki kun dam olishimiz borligini hisobga olsak.

Vaqti kelganda kim o'ynashga tayyor ekanini hal qilamiz. Ronaldu bo'yicha qaror keyinroq qabul qilinadi», — deya avstraliyalik murabbiyning so'zlarini keltiradi Al Nassr Zone.

«Al-Nasr» seshanba kuni «Al-Diriya»ga qarshi o'ynaydi.