Endrik jamoasining kelgusi bahsini o'tkazib yuborishi mumkin

 15 AVGUST, 2026, 22:24

«Real» hujumchisi Endrik mushaklarida zo'riqish yuzaga kelgani sababli jamoaning yaqindagi uchrashuvini o'tkazib yuborishi mumkin. Bu haqda ispaniyalik jurnalist Melxor Ruis o'zining ijtimoiy tarmoqlarida xabar berdi. 

19 avgust kuni madridliklar «Shalke-04» bilan uchrashadi. Bundesliga klubi ushbu o'rtoqlik uchrashuvini 62 mingdan biroz ko'proq tomoshabinni sig'diradigan «Feltins-Arena» stadionining 25 yilligiga bag'ishlagan.

Endrik «Real»ning Ispaniya chempionatidagi debyut uchrashuviga — «Espanol»ga qarshi bahsga qadar tiklanishga umid qilmoqda. Uchrashuv 22 avgust kuni bo'lib o'tadi.