Sancho faoliyatini Angliyadan tashqarida davom ettirishni afzal ko'rmoqda

 15 AVGUST, 2026, 12:42

«Manchester Yunayted»ning sobiq vingeri Angliya Premer-ligasi klublaridan takliflar bo'lishiga qaramay, faoliyatini xorij chempionatlaridan birida davom ettirish istagida.

26 yoshli ingliz futbolchisi hozirda erkin agent maqomida bo'lib turibdi. Unga 2017–2021 yillarda hamda 2024 yilda ijara asosida to'p surgan «Borussiya Dortmund» klubi yana qiziqish bildirmoqda.

Sancho oxirgi ikki mavsumni ijara huquqi asosida «Aston Villa» va «Chelsi» jamoalarida o'tkazgan edi.

Hozirda futbolchi sport formasini ushlab turish uchun Angliyaning 10-divizionida ishtirok etuvchi «Flikston» klubi bazasida individual mashg'ulotlar olib bormoqda.