"Tottenxem" Kodi Gakpo uchun 60 mln funtdan ortiq taklif qildi

 14 AVGUST, 2026, 19:24

"Tottenxem" "Liverpul" hujumchisi Kodi Gakpo uchun 60 mln funtdan ortiq miqdorda dastlabki taklif yubordi. Bu haqda SoccerNews xabar berdi.

Ayni paytda "Liverpul" ushbu taklifni ko'rib chiqmoqda. Biroq "qizillar" Niderlandiya terma jamoasi a'zosi uchun yanada yuqoriroq mablag' olishni rejalashtirayotgani sababli birinchi taklifni rad etishi kutilmoqda.

"Tottenxem" Eli Vai transferi bo'yicha uzoq davom etgan muzokaralar natijasiz yakunlanganidan so'ng e'tiborini Gakpoga qaratdi. Shuningdek, "Manchester Siti" futbolchisi Savino ham London klubi ko'rib chiqayotgan variantlardan biri hisoblanadi.

Xabarlarga ko'ra, Gakponing o'zi ham joriy yozda "Enfild"ni tark etishga qarshi emas. Angliyadagi manbalar 27 yoshli futbolchi "Tottenxem"ga o'tish variantini ijobiy qabul qilishini bildirmoqda.

Gakpo o'tgan mavsum Angliya Premer-ligasida 36 ta o'yinda maydonga tushib, 7 ta gol urdi va 5 ta golli uzatmani amalga oshirdi.

Niderlandiyalik futbolchi PSVdan "Liverpul"ga o'tganidan keyin jamoaning asosiy tarkib futbolchilaridan biriga aylandi. U hozirga qadar "qizillar" safida barcha musobaqalar doirasida 130 dan ortiq uchrashuvda ishtirok etgan.