«Barselona» Rodri bo'yicha uchinchi taklifni tayyorlamoqda

 14 AVGUST, 2026, 13:24

Yaqin orada «Barselona» ispaniyalik yarim himoyachi Rodri Ernandes transferi bo'yicha «Manchester Siti»ga yangi taklif bilan chiqmoqchi. Bu haqda taniqli insayder Fabritsio Romano ijtimoiy tarmoqdagi sahifasida xabar bermoqda.

«Shaharliklar» Rodrini 50 va 60 million evroga sotishdan bosh tortgach, klublar 70 million evro atrofidagi summa bo'yicha muzokara olib bormoqda. Shu bilan birga, Angliya grandi o'z futbolchisi uchun 80 million evro olmoqchi. Romano «Barselona» xotirjamlikni saqlab qolayotganini ta'kidlamoqda.

O'tgan mavsumda 30 yoshli Rodri barcha turnirlarni hisobga olgan holda 33 ta o'yinda maydonga tushib, 2 ta gol urdi.