Romano: Ferran Torresning "PSJ"ga transferi yakunlandi

 13 AVGUST, 2026, 23:24

Ferran Torres "Barselona"dan "PSJ"ga o'tmoqda. Nufuzli insayder Fabritsio Romano ijtimoiy tarmoqlarda ikki klub o'rtasida kelishuv to'liq yakunlanganini ma'lum qildi.

Torres transferi uchun "PSJ" "Barselona"ga 50 million evro to'laydi. Qayd etilishicha, hujumchining o'zi faqat Parij klubiga o'tishni istagan.

Ferran Torres 26 yoshda. U faoliyati davomida "Valensiya", "Manchester Siti" va "Barselona" klublarida to'p tepgan.

Bu yoz futbolchi uchun alohida ahamiyat kasb etdi. Torres Jahon chempionati finalida Ispaniya milliy jamoasi safida g'alaba golini urdi.

Eslatib o'tamiz, chorshanba kuni kechqurun "PSJ" UEFA Superkubogini qo'lga kiritdi. Parijliklar sovrin uchun bahsda "Aston Villa"ni 2:1 hisobida mag'lub etdi.