«Ayaks» «Barselona»ga 5,5 million evro to'laydi

 13 AVGUST, 2026, 12:42

SPORT nashri jurnalisti Sergi Kapdevila ma'lumotiga ko'ra, «Barselona» futbolchisi Jofre Torrentsning «Ayaks»ga transferi bo'yicha klublar o'rtasida kelishuvga erishilgan.

Amsterdam klubi 19 yoshli chap qanot himoyachisi huquqlarining 50 foizi uchun 5,5 million evro to'laydi.

Manbaga ko'ra, «Ayaks» bilan muzokaralar to'liq yakunlangan. Endi tomonlarga transferni rasman e'lon qilish va zarur hujjatlarni rasmiylashtirish qolgan.