«Chelsi» «Manchester Siti»ga Fernandes bo'yicha jiddiy talab qo'ydi

 13 AVGUST, 2026, 09:00

So'nggi kunlarda «Chelsi» yarimhimoyachisi Entso Fernandesning nomi «Manchester Siti» bilan faol bog'lanmoqda. Qator manbalarga ko'ra, Entso Mareska argentinalik futbolchini o'z jamoasida ko'rishni istamoqda.

The Athletic ma'lumotiga ko'ra, «Chelsi» Entso Fernandes transferi bo'yicha «Manchester Siti» oldiga qat'iy shart qo'ygan. «Shaharliklar» juma kuni soat 17:00 gacha 25 yoshli yarim himoyachi uchun 120 mln funt (taxminan 140 mln evro) miqdorida taklif yuborishi kerak.

Agar belgilangan muddatga qadar bunday taklif kelib tushmasa, Entso Fernandes 2026/27 yilgi mavsumda «Chelsi»da qoladi.

«Chelsi» yangi mavsumdagi ilk rasmiy uchrashuvini 24 avgust kuni «Fulxem»ga qarshi o'tkazadi.