«Barselona» Xulian Alvaresga yangi muqobil variant topdi

 13 AVGUST, 2026, 07:06

«Vilyarreal» hujumchisi Jorj Mikautadze «Barselona»ning qiziqishlari doirasiga tushdi.

Sport nashriga tayanib Barca Universal xabar berishicha, 25 yoshli futbolchi «Atletiko» hujumchisi Xulian Alvares transferi amalga oshmagan taqdirda «Barselona» uchun muqobil variantlardan biri sifatida ko'rilmoqda.

«Ko'k-anorranglilar» allaqachon Gruziya terma jamoasi hujumchisining vakillari bilan aloqaga chiqqan. «Vilyarreal» esa futbolchisi uchun taxminan 60–65 mln evro talab qilishi kutilmoqda.

Manba ma'lumotiga ko'ra, Mikautadzening o'zi ham «Barselona»ga o'tish variantiga ijobiy qaramoqda.

Hujumchi o'tgan mavsum La Ligada 32 ta o'yin o'tkazib, 13 ta gol urdi va 6 ta golli uzatmani amalga oshirdi.