«PSJ» «Aston Villa»ni mag'lub etib, UEFA Superkubogini qo'lga kiritdi (Videosharh)

 13 AVGUST, 2026, 03:06

«PSJ» UEFA Superkubogi uchun o'tkazilgan uchrashuvda «Aston Villa»ni 2:1 hisobida mag'lub etdi. Bahs Avstriyaning Zaltsburg shahridagi «Red Bull Arena» stadionida bo'lib o'tdi.

Uchrashuvda hisob 20-daqiqada ochildi. Parijliklar hujumchisi Xvicha Kvaratsxeliya raqib darvozasini ishg'ol qilib, jamoasini oldinga olib chiqdi.

Birinchi bo'lim yakuniga yaqin «Aston Villa» safida Brayan Madjo javob golini kiritdi. 17 yoshli hujumchi shu tariqa UEFA Superkubogi tarixida gol urgan eng yosh futbolchiga aylandi.

61-daqiqada «PSJ» vingeri Dezire Due jamoasining ikkinchi golini urdi. Keyinchalik ushbu gol uchrashuvda hal qiluvchi bo'lib, parijliklarga 2:1 hisobidagi g'alabani taqdim etdi.

Shu tariqa, «PSJ» ketma-ket ikkinchi yil UEFA Superkubogi sohibi bo'ldi.