Vlaxovich yangi klubi safiga qo'shildi

 12 AVGUST, 2026, 22:48

Turkiyaning «Beshiktosh» klubi ijtimoiy tarmoqlarida jamoaga hujumchi Dushan Vlaxovich transfer qilinganini tasdiqlovchi videoni e'lon qildi.

Avvalroq boshqa manbalar futbolchi uch yillik shartnoma imzolashi va yiliga 8 million evro (bonuslarni hisobga olganda 10 million evrogacha) ishlab olishi haqida xabar bergan edi. Vlaxovich «Beshiktosh» safiga erkin agent sifatida qo'shildi.

O'tgan mavsumda Vlaxovich «Yuventus» safida 23 ta o'yinda maydonga tushib, 10 ta gol urdi va 2 ta golli uzatmani amalga oshirdi. Futbolchining bozor qiymati 35 million evro deb baholanmoqda.