Yozgi transferlar oynasidan keyin “Neftchi” O'zbekistonning eng qimmat klubiga aylandi

 12 AVGUST, 2026, 15:54

Farg'onaning “Neftchi” jamoasi yozgi transferlar oynasidan so'ng O'zbekiston Superligasining eng qimmat klubiga aylanib oldi. Transfermarkt portalining so'nggi ma'lumotlariga ko'ra, ayni paytda O'zbekiston Superligasida ishtirok etayotgan barcha 16 ta jamoaning umumiy bozor qiymati jami 95,34 million evroni tashkil etmoqda.

Farg'onaning “Neftchi” klubi tarkibining umumiy qiymati esa 12,85 million evroga etgan. Ushbu ko'rsatkich bo'yicha ular uzoq vaqt davomida peshqadamlik qilib kelgan Toshkentning “Paxtakor”ni (12,28 mln evro) klublarini ortda qoldirishga muvaffaq bo'ldi. Namanganning “Navbahor” (9,63 mln evro) esa 3-pog'onani band etgan. Kuchli beshlikni Qarshining “Nasaf” (8,45 mln evro) va Samarqandning “Dinamo” (6,78 mln evro) jamoalari yakunlab bergan.

“Neftchi”ning klublar reytingida birinchi o'ringa ko'tarilishiga asosan bitta yirik xarid — Koffi Kuaoning jamoaga kelishi sabab bo'ldi. Kot-d'ivuarlik o'ng qanot himoyachisining narxi 2,5 million evroga baholangan bo'lib, u hozirda O'zbekiston Superligasining eng qimmat futbolchisi bo'lib turibdi.

Superliganing eng qimmat 10 nafar futbolchisi

Koffi Kuao (“Neftchi”) — 2,50 mln evro

Abduvohid Ne'matov (“Nasaf”) — 1,50 mln evro

Akmal Mozgovoy (“Paxtakor”) — 1,40 mln evro

Hojiakbar Alijonov (“Paxtakor”) — 1,30 mln evro

Sherzod Nasrullaev (“Paxtakor”) — 1,20 mln evro

Lyupcho Doriev (“So'g'diyona”) — 1,20 mln evro

Hojimat Erkinov (“Paxtakor”) — 1,00 mln evro

Jamshid Iskanderov (“Neftchi”) — 1,00 mln evro

Dostonbek Hamdamov (“Paxtakor”) — 900 ming evro

Bashar Resan (“Paxtakor”) — 800 ming evro.

Ma'lumot uchun, O'zbekiston Superligasining amaldagi chempioni Farg'onaning “Neftchi” klubi hisoblanadi.