"Nottingem Forest" egasi "Kristal Pelas"ni sudga berdi

 11 AVGUST, 2026, 17:18

"Nottingem Forest" egasi Evangelos Marinakis "Kristal Pelas"ga qarshi tuhmat bo'yicha sudga murojaat qildi.

The Sun nashri xabar berishicha, sud jarayoni o'tgan mavsumda "Selxerst Park"da bo'lib o'tgan ikki klub o'rtasidagi o'yin paytida London klubi muxlislari tomonidan ko'tarilgan bannerdan kelib chiqqan.

Bannerda Marinakisning "Nottingem Forest" yarim himoyachisi Morgan Gibbs-Uaytning boshiga qurol ko'targanligi tasvirlangan. Unda shuningdek, biznesmenning shantaj, kelishilgan o'yinlar, giyohvand moddalar savdosi va korruptsiyaga aloqadorligi haqida gap bor edi.

Marinakis bu ayblovlar bilan bog'liq har qanday qonunbuzarlikni doimiy ravishda rad etib kelmoqda.

Manbaga ko'ra, biznesmenning advokatlari tuhmat bo'yicha sudga murojaat qilishgan. "Kristal Pelas"ni boshqaradigan CPFC Limited kompaniyasi bu ishda sudlanuvchi sifatida ko'rsatilgan.

Futbol Assotsiatsiyasi ilgari "Kristal Pelas"ga banner tufayli 50 000 funt sterling jarima solgan edi.