Mareska: «Odamlar meni 10 ta o'yindan keyinoq Gvardiola bilan solishtirishni boshlashadi»

 11 AVGUST, 2026, 15:36

«Manchester Siti»ning yangi bosh murabbiyi Entso Mareska sobiq ustozi Xosep Gvardiola bilan solishtirishlarga qanday qarashi haqida gapirib o'tdi.

«Bilaman, odamlar atigi 10 ta o'yindan keyin (10, 20 yoki 30 ochko to'plashimizdan qat'i nazar) meni Pep bilan solishtirishni boshlashadi. Bu menga hech qanday bosim o'tkazmaydi. «Lester» yoki «Chelsi»da ishlagan paytlarimda ham ko'p bora aytganman: u oxirgi 15-20 yil ichidagi dunyoning eng yaxshi murabbiyidir», — dedi Mareska.

Entso Mareska ushbu yozda «Manchester Siti»da so'nggi o'n yil davomida klubni boshqarib kelgan Gvardiolaning o'rnini egallagan edi.