UEFA, KONKAKAF va OFK Infantinoga iste'foga chiqishni taklif qildi

 10 AVGUST, 2026, 16:06

Evropa, Shimoliy Amerika va Osiyo futboli rahbariyati FIFA rahbari Janni Infantinoni o'z lavozimini tark etishga chaqirdi. Bu haqda Independent nashri xabar bermoqda.

FIFA a'zolarining yarmidan ko'prog'ini ifodalovchi ushbu konfederatsiyalar, shuningdek, tashkilotning Jahon chempionatidagi ulushini xususiy investorlarga sotishga urinishi bo'yicha mustaqil tekshiruv o'tkazishni talab qilishdi.

«Futboldagi rahbarlik — bu shaxsiy mulk emas. U hokimiyatga egalik qilish yoki uni saqlab qolishga intilishdan iborat emas. Bu rahbarlarga o'z vakolatlarini topshirgan futbol jamiyatiga xizmat qilish majburiyatidir.

Ishonch aldov yo'li bilan puchga chiqqanida, inson o'ziga vakolat bergan jamiyatdan o'zini ustun qo'yganida, ushbu majburiyat unutilgan bo'ladi», — deyiladi e'lon qilingan matnda.

Xatni UEFA prezidenti Aleksander Cheferin, KONKAKAF rahbari Viktor Montalyani va OFK prezidenti Salman bin Ibragim Al Xalifa imzolashgan. Nizo fonida UEFA, KONKAKAF va OFK, agar FIFA turnirlariga boykot e'lon qilinsa, qo'shma musobaqalar tashkil etish imkoniyatini ham ko'rib chiqishmoqda.

Shu bilan birga, bir qator milliy assotsiatsiyalar Infantinoni qo'llab-quvvatlashda davom etmoqda. Ular orasida Argentina, Marokash va Meksika bor. Afrika futbol konfederatsiyasi (KAF) ham FIFA prezidentini bir ovozdan qo'llab-quvvatladi.