Superliga. "Neftchi" o'z maydonida "Qizilqum"ni er tishlatdi

 8 AVGUST, 2026, 21:00

Superliga 16-turida "Neftchi" o'z maydonida "Qizilqum"ni qabul qilib, 5:0 hisobida yirik g'alabaga erishdi.

Islombek Ismoilov shogirdlaridan Jamshid Iskanderov (42, 65) va Alisher Odilov (3, 83) ikkitadan gol urgan bo'lsa, Stipe Peritsa (70) bitta gol muallifi bo'ldi.

"Yo'lbarslar" bu g'alaba evaziga 39 ochko bilan peshqadamlikni mustahkamladi. Ikkinchi o'rindagi "Paxtakor" bilan farq 4 taga etdi.

"Qizilqum" 17 ochko bilan 14-pog'onada.