Neymarning sobiq agenti «Barselona»dan maoshini oshirish uchun «PSJ»dan qanday foydalanganini aytdi

 8 AVGUST, 2026, 19:48

Neymarning sobiq agenti Vagner Ribeyro braziliyalik hujumchining «Barselona»dagi maoshini oshirish uchun «PSJ»ning qiziqishidan qanday foydalangani haqida gapirib berdi.

— Neymarga «Barselona»dan ko'ra «Real»ga o'tish yaxshiroq bo'larmidi?

— U «Barselona»da Suares, Messi, Xavi, Inesta va hujumlarni chuqurdan boshlaydigan himoyachilar bilan ajoyib futbol o'ynadi. U erda faqat yuqori darajadagi futbolchilar bor edi.

Neymar barchasida g'olib chiqdi. U hech narsadan afsuslanmaydi. Pul ham o'z rolini o'ynadi, u «Barselona»da katta mablag' ishlab topdi.

Uning «PSJ»ga o'tishidan bir yil oldin Ibitsda Neymar va uning otasi bilan uchrashuv o'tkazdim. Parijliklar prezidenti Nosir Al-Xelayfiyni ham o'zim bilan olib bordim. Buni hech kimga bildirmay amalga oshirdim va u erda uch soat birga bo'ldik.

O'shanda quyidagi kelishuvga erishildi: Nosir Neymarga mehmonxonalardan tushadigan daromaddan ulush, samolyot va «Barselona»dagi maoshidan ikki baravardan ham yuqori maosh taklif qildi. Neymar «Barselona»da 11 million evro olardi, Nosir esa 25 million evro taklif qildi. Biz esa 40 million evro so'radik.

Neymarning otasi bilan birga ushbu uchrashuv haqida Frantsiya matbuotiga, xususan, L’Équipe nashri orqali «PSJ» futbolchiga yiliga 25 million evro taklif qilgani haqida ma'lumot tarqatdik. Shundan so'ng «Barselona» ham javob qaytardi — unga 26 million evro maosh taklif qildi.

Bir yil o'tgach, Neymar 40 million evro ishlab topishi kerak edi, parijliklar esa uning transferi uchun 222 million evro to'ladi.

Bu haqiqat. Pul hamma narsani hal qiladi, shunday emasmi? — dedi Ribeyro.