«Tottenxem» Savino transferi bo'yicha «Manchester Siti» bilan kelishuvga yaqin

 8 AVGUST, 2026, 19:12

«Tottenxem» «Manchester Siti» braziliyalik vingeri Savinoni transfer qilish bo'yicha kelishuvga yaqin turibdi. Transfer qiymati taxminan 70 million evroni tashkil qilishi mumkin.

Goal ma'lumotiga ko'ra, London klubi yaqin vaqt ichida bitimni rasmiylashtirishni va Savinoni yozgi transfer oynasidagi jamoaning ettinchi yangi futbolchisiga aylantirishni rejalashtirmoqda.

Biroq «Manchester Siti» hozircha futbolchining ketishiga yakuniy rozilik bermagan. Manchesterliklar avval tarkibdan ketishi kutilayotgan Savinoga munosib o'rinbosar topishni istamoqda.

Qayd etish joiz, «Tottenxem» joriy yozgi transferlar oynasida futbolchilar xaridi uchun hozirga qadar taxminan 270 million evro sarfladi.